Guardia Zibilak pertsona bat atxilotu zuen atzo arratsaldean, ostegunean guardia zibil bati eraso egitea egotzita. Guardia Zibilak berak azaldu zuen "eraso arin bat" jasan zuela poliziak, nahiz eta hedabide batzuek 2016ko urriaren 15eko gertakariekin nahastu nahi izan zuten.
Nafarroako Justizia Auzitegi Nagusiak jakinarazi duenez, gaztea gaur igaro da epailearen aurretik, eta aitortu egin du polizia jo izana. Hortaz, zortzi hilabeteko espetxe zigorra eta ehun euroko isuna ezarri diote, agintearen aurkako atentatu delitu arin bat egotzita. Gainera, 400 euro eman beharko dizkio poliziari, eragindako lesioen kalte-ordain gisa.
Iruñeko Instrukzio Epaitegiko epaileak eman du epaia, eta irmoa da.
