Goizeko eurite azkarrengatik, Lapurdiko kostaldeko zenbait trenbide urpean daude, eta trenak, ezin ibili. Hain zuzen, Hendaia eta Miarritze arteko trenak etenda daude. Akitania Berria eskualdetik Euskal Herrira bidean ziren tren batzuek Miarritzen gelditu behar izan dute, hots, urrunago iritsi ezinik.
Beste zenbait trenek emeki-emeki egin dute bidea, azken geltokiraino. Nola ez, tren berantak eta ezeztapenak ekarri ditu eguraldiak. SNCF konpainiak adierazi duenaz, baliteke arazoek bihar goiza arte irautea.
