DONOSTIA. Istiluekin amaitu zen Voxek herenegun Donostian antolatu zuen ekitaldia. Eskuin muturreko alderdiko dozena pare bat kide —Javier Ortega Smith buruzagia tartean— elkartu ziren Alderdi Ederren, indarkeriaren biktimen oroigarriaren inguruan. 100-200 antifaxista batu ziren haien inguruan, eta, tartean, Ertzaintzako beste horrenbeste kide, Voxeko kideak babesten.
«Faxistak kanpora» eta «alde hemendik, utzi bakean» oihukatu zieten antifaxistek. Ertzaintzak haien kontra jo zuen ekitaldiaren amaieran, Voxeko kideei bidea zabaltzeko. Donostiako erdialdetik oinez joan ziren eskuin muturreko taldeko kideak, autobusa hartzera Madrilera itzultzeko, eta haien atzetik joan ziren antifaxistak, oihuka. Une batean, Bilbo plazaren inguruko taberna batean sartu ziren. Ertzainek, orduan, kalea itxi zuten, Voxeko kideak babesteko.
Ostiralean, Voxek beste ekitaldi bat antolatu zuen, Bilbon, San Frantzisko auzoan. Protesta egitera elkartu ziren 200 pertsona ingururi debekatu egin zieten plazara sartzea, eta istiluak izan ziren Ertzaintza antifaxistei oldartu zitzaienean.
Eusko Legebiltzarrerako hauteskundeak
Istiluak izan ziren Donostian, Voxen ekitaldi batean
Iruzkinak
Ez dago iruzkinik
Ordenatu
