Jose Angel Agirrebengoa hil zen atzo, gaixotasun luze baten ondorioz. Nafarroako EAJko presidentea izan zen 2004tik 2012ra arte, eta Euzkadi Buru Batzarreko kidea ere bai.
1952an jaio zen, Altsasun (Nafarroa), eta bere herriko alkatea izan zen 1995etik 1999ra. Horrez gain, EAJko Asanblea Nazionaleko kide eta Napar Buru Batzarreko presidente izan zen, baita Altsasuko Udaleko zinegotzi eta Nafarroa Baiko parlamentari ere, Nafarroan.
Nafarroako EAJk azpimarratu du Agirrebengoa pertsona «konprometitua, saiatua, koherentea eta etorkizunerako ikuspegia zuena» zela, eta Nafarroako «indar abertzaleen eta progresisten batasunaren alde» egindako apustua eskertu dio.
Eledunen Batzorde osteko agerraldian, Pablo Azkona Geroa Baiko eledunak ere Agirrebengoa izan du gogoan. «Balio demokratikoekin eta zerbitzu publikoarekin konpromiso irmoa zuen». Bere hitzetan, dedikazio eta koherentziaren adibide izan da Agirrebengoa.
2010eko irailaren 26an, Agirrebengoari egindako elkarrizketa argitaratu zuen BERRIAk.
