LABek irakasleen informazio filtrazioari buruzko azalpenak eskatu dizkio EHUri

BILBO.Kitchen kasuak agerian utzi du Espainiako Gobernuak EHUko irakasleen informazioa jaso zuela 2015ean. Zabaldutako mezuen arabera, EHUko segurtasun buruari eskatu zioten informazio hori. LABek ziurtatu du segurtasun buruaren karguan pertsona berak diharduela oraindik. Hori dela eta, kasua ikertzeko exijitu dio EHUri.