ERRENTERIA. BERRIAk jarraipena eman dio Gipuzkoako Ikastolen Jaiekin urte hasieran hasitako lankidetzari. Euskaldunon Egunkaria-ren itxieraren hogeigarren urteurrenaren karietara, astebeteko egitarauan parte hartu zuen Orereta Ikastolarekin batera.
Urriaren 1ean ospatuko dira Kilometroak Errenterian (Gipuzkoa), eta, horri begira, BERRIAk lankidetza akordioa eguneratu du Gipuzkoako Ikastolen Jaiarekin. BERRIAk Errenterian leku berezia izanen du: alde batetik, egitaraua osatzen lagunduko duelako erronka jolasarekin. Zamalbide gunean izango da, 11:00etatik 14:00etara bitarte, erronka jolasean, eta, horrekin batera, 14:00etan, Lur Korta ipuin kontalaria izango da BERRIAren eskutik. Gainera, beste leku batean, Esmalteria gunean, Garikoitz C. Murua grafitigileak tailerra emango du 12:30ean.
Beraz, BERRIAk Gipuzkoako Ikastolen Jaia babestearekin batera, jaia osatzen lagunduko du, eta tokian bertan izango da.
Lankidetza ituna eguneratu dute BERRIAk eta Kilometroek
Iruzkinak
Ez dago iruzkinik
Ordenatu
