Berangoko Udalak (Bizkaia) zuhaitzak eta belarra mozteko makineria eraman zituen atzo Lantzarte auzoko berdegunera, eta, Sukar Horiak salatu zuenaren arabera, zuhaitzak mozten hasi ziren jada. Bertan, aparkaleku bat egin nahi du udalak; proiektuaren aurkakoek azaldu dute berdegune hori auzoko «birika berdea» dela, eta mobilizazio bat antolatu dute biharko, 20:00etan.
Sukar Horiak azaldu duenez, atzo —herriko jaiegun ofizialean— herritarrak, lanen hesiak gaindituta, han inguruan geratu ziren, lurraren soilketa geratzeko asmoz, eta gauean kanpatu egin zuten.
Gaur gauean akanpada Lantzarten Berangoko udalak egin nahi duen sarraskia gelditzeko.
— Sukar Horia (@HoriaSukar) August 4, 2025
Etorri zu be bai!
Gu bertan egongo gara! pic.twitter.com/Y5kd5SKZjl
Autoentzako 90 plaza izango ditu aparkalekuak; auzoan aparkatzeko lekuarekin dagoen arazoa konpontzeko egin nahi du udalak proiektu hori. Elkarte ekologistek itsasadar azpiko errepidearen proiektuarekin lortu dute aparkaleku hau, uste baitute azkenaldian Bizkaian, eta Bilbo Handian bereziki, auto pribatuaren erabilera sustatzeko azpiegiturak ari direla eraikitzen.
🔴 Berangoko Lantzarte auzoan Udalak landa bat suntsitu nahi du parking bat egiteko.
— Jauzi Ekosoziala (@JauziEkosoziala) August 5, 2025
💥 Auzokideak honen aurka antolatu dira.
✳️ Jauzitik gure babes osoa helarazi nahi diegu!
Hemen duzue proiektuaren azalpena: pic.twitter.com/53S96NUm9S
