Baionako Auzitegiak lau hilabeteko kartzela zigorra ezarri dio Alexis Jureti, gibelapenarekin, lankide ohi bat jotzeagatik. Hala jakinarazi du France Bleu-k. Laure Zacchelloren senarra da Juret. Zacchello, Urruñako (Lapurdi) emaztea, desagertuta dago iazko ekainetik, eta Juret behin-behineko espetxealdian dago horregatik. Hura da emaztea hiltzearen eta desagerraraztearen susmagarri nagusia.
Juret Fisika eta Kimika irakaslea zen Baionako Louis de Foix lizeoan. Iazko apirilean, lankide bati eraso egin zion, materiala behar bezala prestatu ez ziolakoan. Lepotik hartu zion eskuekin. Azaroaren 6an epaitu zuten. Auzitegiak bere egin du fiskaltzaren zigor eskaera; defentsak kargugabetzeko eskatu zuen.
Jureten abokatuek jakinarazi dute helegitea aurkeztuko dutela epaiaren kontra.
