Lehergailu bat ezarri dute Ziburuko etxe agentzia batean, baina ez da zartatu

ZIBURU. Samuel Vuelta Simon Baionako prokuradoreak jakinarazi duenez, Ziburuko (Lapurdi) etxe agentzia baten aurka atentatua egiten saiatu ziren atzo ezezagun batzuk, baina ez zuten lortu. Hain zuzen, gas bonbonaz eginiko lehergailu bat ezarri zuten bertan, baina ez zuen eztanda egin, «akats tekniko» batengatik. Euskal Herria ez da salgai margoketa ere egin zuten agentziaren paretan. Prokuradoreareak azpimarratu duenez, «ohikoa» izan arren, bazen «denbora bat» ez zela halakorik gertatzen.