Lopezen taldetik Obamarenera

Funtziotan segitzen du Eusko Jaurlaritzan, baina lantoki berria aurkitu du Rafael Bengoak (Bilbo, 1952): Patxi Lopezen taldeko ibilbidea amaituta, Barack Obamarenera joango da, aholkulari gisa, AEB Ameriketako Estatu Batuetara. Osasun erreforma nola egin aztertzeko talde batean arituko da. Osasun sailburu aritu den urteetan bereziki gogoan izan duen esparru bat landuko du: gaixo kronikoena. Finean, horretan espezializatu da: OME Osasunerako Mundu Erakundean Osasun Sistemen zuzendari izan zen. Patxi Lopez lehendakariak agurra egin dio sarean: «Profesional handi bat darama Obamak, etorkizuna ikusteko gaitasun berezia duena».