Iruñeko mendizale bat hil da Pirinioetan, amilduta. Asteburuan izan da ezbeharra, baina atzo arratsaldean aurkitu zuten haren gorpua, 300 metrotik amilduta. Istripua Batoua tontorretan gertatu da, Espainia eta Okzitania arteko mugan.
Mendizalearen senideek etxera itzuli ez zela ohartarazi ondoren abiatu ziren erreskate lanak, atzo. Guardia Zibilak aurkitu zuen gorpua. Mendizalea ingeniaria zen, eta Iruñeko salestarren ikastetxeko irakaslea. Zenbait hedabidek jakinarazi dutenez, mendizalea izateaz gain, eskizalea ere bazen.
Bestalde, beste bi mendizale bizkaitar erreskatatu behar izan zituzten larunbatean, Vignemale mendian erori ostean. Itxuraz, izotz zati bat erori zitzaion gainera mendizaleetako bati, eta hura atzetik zetorrenaren gainera erori zen. Beste mendizale bat ere bazihoan haiekin, baina hura onik irten zen.
