Terrorismoaren Biktimen Euskal Kontseiluak lehen bilera egin du

GASTEIZ. Terrorismoaren Biktimen Euskal Kontseiluak legegintzaldiko bere lehen bilera egin zuen atzo, Gasteizen. Lehen bilera horretan, zuzenbideko katedradun Jose Luis de la Cuesta berretsi zuten kontseiluaren buruzagitzan. Jonan Fernandezek, berriz, Eusko Jaurlaritzako Bizikidetza eta Giza Eskubideen Plan berria eta biktimen arloan aurtengo aurreikusitako Jarduera Programa aurkeztu zituen. Hamabost kidek osatzen dute kontseilu hori. Tartean daude, besteak beste, Eusko Jaurlaritzakoak, Eudelekoak, AVTkoak eta Covitekoak.