Idoia Nieves Ogasun zuzendari ohiak hautsak harrotu ditu, Goikoetxea kontseilariak prebarikazioa egin zuela dioten hainbat dokumentu erakutsi ostean, Nafarroako Legebiltzarrean. Zentsura mozioa aurkeztuko dutela iragarria dute oposizioko taldeek, PSNk ere bai, baina aurretik, parlamentariek ikerketa batzordea osatu dute Nievesek Goikoetxeari leporatutakoak aztertzeko.
Idoia Nievesen salaketak egiaztatzeko ikerketa batzordea gaur jarriko da abian, eta lehen agerraldia ostiralean egingo dute. Agerraldiak publikoak izango dira, eta bi aste irautea espero dute alderdiek, UPNk izan ezik.
Zalantza ugari daude Nafarroan egoera politikoaren garapenaz: epe laburrean nondik joko duten gobernuak eta oposizioak; batez ere, PSNk. Aldaketa, ordea, saihetsezina da BERRIAren galderak erantzun dituztenen iritziz.
Ikerketa batzordeak ebatzi zain, PSOEren eta PSNren arteko desadostasunak agerian dira; Jimenezek dio bera dela PSOE Nafarroan.PPk esku hartzeko agindu dio PSOEri; hala egin ezean, "ondorio politikoak izango dira".
Berria 
