Etxebizitza erosteko mailegua ematerakoan Santander Bankuaren UCI entitatateak «iruzur» egin ziela salatu dute Asier Garciak eta Naiara Iglesiasek. Hipotekaren erreferentzia indize gisa IRPHa aplikatu zieten, eta hilero ordaindu beharreko diru kopurua etengabe igotzen joan zen, ordaindu ezinik geratu ziren arte. Kaleratu berri dituzte.

Vienan bost herritarretik bat bakarrik da etxejabea. Tradizio handia du alokairuan bizitzeak, eta etxebizitza sozial asko daude. Merkatuaren legeetatik kanpo antolatutako etxebizitza politika horri buruz aritu da Wiener Wohnen enpresa publikoko bozeramailea, Donostian.

Lauzpabost kideko familia bat gela batean bizi denean edo kaleratzeko arrisku etengabean denean ikasketak behar bezala jarraitzeko izaten diren zailtasunak agerian utzi nahi izan dituzte Bilbon AZET Etxebizitza Sindikatuak eta hiru familia elkartek. Erakundeen babesa eskatu dute.

Familia etxetik alde egiteko urratsa guztiz baldintzatzen du etxebizitza bat lortzeko zailtasunak. Argitaratu berri den ikerlan baten arabera, gazteen emantzipazio tasak behera egin du, eta 18 eta 34 urte arteko gazteen %32k bakarrik lortu dute euren etxera joatea.

Urtebete igaro da lehen udalerria tentsio handiko eremu izendatu zutenetik. Errenteriaren ostean, beste hogei udalerri baino gehiagotara zabaldu da izendapen hori: Gasteiz izan da azkena. Etxebizitzaren krisiari aurre egiteko neurri hau eraginkorra al da?