Martxelo Otamendi 'Euskaldunon Egunkaria'-ko eta BERRIAko zuzendari ohiarekin elkarrizketa liburua argitaratu dute. Otamendik ia bizitza osoa eman du euskarazko kazetaritzari lotuta, eta horren inguruko hamaika kontu azaldu ditu liburu horretan. 

Hogei urte bete ditu Xabiroi komiki aldizkariak. Bide horretan, 76 zenbaki eta hemezortzi album eman ditu argitara orain arte. «Familia» sendo bat ere osatu du, komikigileak, komikizaleak eta bestelako kolaboratzaileak batuz.

Udan 120 urte beteko dira Estepan Urkiaga Lauaxeta jaio zenetik. Bizkaiko Foru Aldundiaren enkarguz, Jon Kortazarrek Lauaxeta. Ametsen egilea erakusketa ondu du, poetaren ibilbidea hark bilatutako idealen bitartez kontatzeko.

Arantxa Iraola BERRIAko kazetariak Euskaraldiari buruzko analisi bat idatzi du. Azpimarratu duenez, euskararen egoera normalizatzeko, herritarren konpromisoa ez ezik, erakunde publikoen eta politikoen konpromisoa ere behar da.

Garazi Sanchez EHUko irakasleak ohartarazi du gazteek euskararekin duten atxikimendua desagertu egiten dela eremu digitalean, eta oso gutxik kontsumitzen dituztela euskarazko eduki digitalak.

Amaitu da 23. Korrika, eta AEK-k hizkuntza politika «ausartak eta sendoak» baliatzeko eskatu du, euskarak aurrerantzean ere lekua irabaz dezan. Garazi Arrula Ruiz idazleak idatzi eta irakurri zuen 23. Korrikako mezua.

Milaka euskaldunek eta euskaltzalek parte hartzen dute Korrikan; hari buruzko xehetasunak bildu dituzte 'Mantangorri' gehigarriaren erreportaje honetan.

Zer behar dute gazteek? Euskaratik ditugun erronkak aletzen jardunaldiak egin dituzte, Euskalgintzaren Kontseiluak antolatuta. Gazteei hitza emateko baliatu nahi izan zituzten, bereziki.

Han jasotakoak buruan bor-bor ditu oraindik Kontseiluko proiektuburu Amets Arangurenek (Iruñea, 1998): besteak beste, euskara gaitasun nahikoa duten irakasleak behar direla, hezkuntzan euskara izan gabe ezin dela euskaldundu, eta euskarazko edukirik ez dagoela ikus-entzunezkoetan.