Parisko Liburutegi Nazionaletik Baionako Euskal Museora ekarri dute euskaraz argitaratutako lehen liburua, Bernart Etxepareren 'Linguae Vasconum Primitiae' eta horrek galdera hau sortu die hainbati, besteak beste, artikuluaren egile Pauline Guelleri: nola da posible liburu hori ez egotea Euskal Herrian?

Euskal Herriko eskoletan euskaraz irakasteko erabili ziren lehen liburuetako bat izan zen Xabiertxo. 1925. urtean argitaratu zuten lehen aldiz. Euskararen aurkako giroa oso bortitza zen garai hartan.

Bermeon txo erabili izan dute orain arte gazteek elkar agurtzeko, baina azkenaldian bro erabiltzen dute. Hiru letra baino ez dituzte bi hitzek, baina badago aldea bata erabili edo bestea erabili. Onintza Enbeita bertsolariak hausnarketa interesgarria egiten du iritzi artikulu honetan.

Oihana Arana bertsolari eta idazleak hirien inguruko hausnarketa egiten du iritzi artikulu honetan. Globalizazioaren, abiaduraren eta kapitalismoaren paradigma direla uste du, baina, hirietan ere, tarteka, irudi ederrak topatzen dira, pertsonek elkar topatzen dutenean, esaterako.

Pio Barojak idatzitako Jakintzaren arbola liburua destripatu du Aritz Galarragak, BERRIAn egindako iritzi artikuluan. Bertan, eleberriko protagonista Andres Hurtadoren eta haren sortzaile Pio Barojaren arteko harremana izan du oinarri.

Hogei urte bete ditu Xabiroi komiki aldizkariak. Bide horretan, 76 zenbaki eta hemezortzi album eman ditu argitara orain arte. «Familia» sendo bat ere osatu du, komikigileak, komikizaleak eta bestelako kolaboratzaileak batuz.

Udan 120 urte beteko dira Estepan Urkiaga Lauaxeta jaio zenetik. Bizkaiko Foru Aldundiaren enkarguz, Jon Kortazarrek Lauaxeta. Ametsen egilea erakusketa ondu du, poetaren ibilbidea hark bilatutako idealen bitartez kontatzeko.

Joxean Sagastizabalen Kutsidazu bidea, Ixabel liburua oinarri hartuta, Kutsidazu bidea sortu dute Alkiza eta Hernialde artean (Gipuzkoa). Juan Martin protagonistak Arrialdetik Alkizako euskaltegira joateko egunero egiten zuen bide bera da. Brian Cullen euskaldun berriak gidatuko ditu bisita gidatuak.