Korrika urtea da aurten, baina hizkuntza gutxituak dituzten beste hainbat herrialdetan ere lasterketa horren antzeko ekitaldiak egiten ari dira edo egin berri dira. AEKko kideek hurbiletik jarraitzen dituzte lasterketa horiek. Okzitanian, Bretainian eta Herrialde Katalanetan dituzte Korrikaren antzeko ekinaldiak.

Ekainaren 12an pasatu beharko dute baxoko azterketa leheneko ikasleek. Erran dute azterketak euskaraz eginen dituen lehen belaunaldia izan nahi dutela.

Nafarroako Gobernuak eskola publikoei eutsiko die, baina itunpekoak gutxituko ditu. Gimeno kontseilariak esan du demografiaren beheranzkoa dela-eta hartu duela erabakia, baina ikastolek arbitrariotasunez jokatzea leporatu diote.

ETB1 On kateak marrazki bizidunak eta haurrentzako saioak emango ditu; ETB3k utzi zuen hutsunea beteko du, euskarazko edukiak bermatuz. Maider Galardi horren garrantziaz aritu da.

Hizkuntza Eskubideen Behatokiak 883 kexa erregistratu ditu, herritarrei beren eguneroko jardunean euskaraz egiteko eskubidea aitortu ez eta hizkuntza eskubideak urratu zaizkielako. Iaz intzidentzia gutxiago dira, baina egoera ez da hobetu, Behatokiaren arabera.