Heldu den azaroaren 20an 50 urte beteko dira Francisco Franco Espainiako diktadorea hil zela. Errepublikaren aurka matxinatu, gerra irabazi, eta 40 urteko diktadura faxista bat ezarri zuen Hego Euskal Herrian. Horrek ondorio handiak izan zituen arlo askotan. BERRIAk 'Franco hil zen, eta...' bilduma hasi du, frankismoaren erradiografia bat egiteko.

Gau Beltzak indar handia hartu du azken urteotan Euskal Herrian, kasik ahanzturatik berreskuratua izan ostean. Askotan Halloween-ekin nahasten bada ere, ezberdintasun handiak daude bi jaien artean, nahiz egun berean ospatu.

1922an topatu zuten Tutankamon faraoi egiptoarraren tonba; 1925eko urriaren 28an, berriz, justu duela ehun urte, faraoi momifikatua. Arkeologiaren mugarri ezin garrantzitsuagoa izan zen aurkikuntza hura, eta interes olatu bat piztu zuen munduan.

Frankismoaren biktimak «umiliatu eta gutxietsi» ditu Falangeak Gasteizen berriki egindako elkarretaratzean. Jaurlaritzak, gainera, baimendu egin du sinbologia frankista erakustea, eta, horrek memoria historikoari buruzko legeak urratu dituelakoan, Jaurlaritza salatuko dute hamalau elkarte memorialistak.

Israelek askatu berri du Basem Khandakji idazle palestinarra, Arabiar Fikzioaren Nazioarteko Sariaren irabazlea. 21 urte eduki dute preso. Iñigo Aranbarrik iritzi zutabe honetan gogoan izan du haren kasua, eta bakerik ezaren sinboloetako batekin lotu du: Amar Bharati indiarrarekin.

Euskal Herriko eskoletan euskaraz irakasteko erabili ziren lehen liburuetako bat izan zen Xabiertxo. 1925. urtean argitaratu zuten lehen aldiz. Euskararen aurkako giroa oso bortitza zen garai hartan.

Lurraren ikuspegia desitxuratuta erakusten dute munduko mapek; ekuatorearen inguruko lurraldeak errealitatean diren baino txikiago ageri dira. 'Correct the Map' egitasmoak herrialde guztiak proportzio berean erakutsi eta mapa eredua aldatzeko eskatu du.

Munduko egoeraren inguruko azterketa egin du Joseph Stiglitzek Bilbon. Ezkortasuna helarazi die entzuleei, eta neoliberalismoa eta Donald Trump AEBetako presidentea jarri ditu egoeraren erantzuletzat.

Nazio Batuen Erakundeko 193 herrialdeetatik 157k aitortzen dute Palestinako Estatua. Erresuma Batuak eta Frantzia daude urrats hori eman berri dutenen artean. Diplomaziaren alorrean hartzen diren erabakiek zerbaitetarako balio ote duten: galdera hori eta beste hainbat aletu dituzte 'Berriketan' podcasteko saio berri batean: 'Palestinaren aitortza ez da aski'.