Zabaletak atzean agintzen baldin badu, akabo. Uste baino gehiago kostako zaio. Martijarekin kontu! Ez da hainbesteko jotzailea, baina burua hotz mantentzen daki, eta finaletan hori behar da. Hori behar al da? Burua hotz daukadanetan niri gorputza mugitzen kosta egiten zait ba. Txo, guri ia, hotz ala bero, bietan kostatzen zaigu mugitzea. Baina bai, Etxeberria horrekin oso tematuta egoten da. Konturatuta nago bai, tantoa bukatu aldiro arnasa sudurretik hartzen eta ahotik botatzen aritzen dela. Yogan hala hartu behar dela esaten digute, baina arnasteko pentsatu beharrik ez eta horri ere buelta eman behar... Buelta emateko gai dena amezketarra. Aurten ez nukeen leporik jokatuko bere alde, baina berriz ere hor dago, lapatxa. Egingo al dugu apustu bat? Apustu bat zuk eta nik? Bai, adibidez, paseo ondoreneko kafesnea irabazten duenaren kontura. Konforme. Hasi ba zu aukeratzen. Ni aurrelarien alde. Ba ni 22ra iristen denaren alde.
Binakakoa
Iruzkinak
Ez dago iruzkinik
Ordenatu
