90eko hamarkadatik zientzialari gehienek onartzen dute Big Rip edo Urraketa Handiaren hipotesia. Big Ripen arabera, unibertsoa hedatzen ari da, etengabe eta abiadan. Unibertsoko materia, izar, galaxia zein atomoak sakabanatzen ari dira, baita espazioa eta denbora ere, eta txiklearen globoak nola, halaxe etorriko da unibertsoaren akabera, zabaldu eta zabaldu, grabitate euskarririk ez delako izango.
Lasai, abisatuko omen digu. Jakingo dugu noiz izango den amaiera, eta ondo bidean, zu ez zara enteratuko. Big Ripa baino hirurogei milioi urte lehenago galaxiak izarrak galtzen hasiko dira «alboetatik». Mendebaldeko maparen arau Alaskatik behera edo Groenlandiatik harago eroriko da gure Eguzkia; Big Ripa baino hiru hilabete lehenago izar sistemek grabitatorioki lotuta egoteari utziko diote, planetek ziztuan egingo dute hegan; hogeita hamar minuturen faltan asteroideak, izarrak, neutroiak zein zulo beltzak atomoetan zatituko dira; zeptosegundo eskasean atomoak eurak ere apurtuko dira, eta pum! Norbaiten aurpegian lehertuko da txiklea.
Badago kontrakoa dion teoria bat. Hori, beste baterako.