Lekeition 300 urte zeramatzaten antzara biziak erabiltzen antzara egunetan. Lekeition ere bazegoen aldaketaren aurka eta tradizioari eustearen alde zegoen jendea. Hala ere, 2022an, animalien aurkako tratu txarrei amaiera ematea eta plastikozko antzarak soilik erabiltzea erabaki zuen udalbatzak. Harrezkero, jaiak parte hartze handia izaten jarraitzen du eta ikusleei dibertimendu bera eskaintzen die.
Frogatu da animalien aurkako tratu txarrik gabeko festa posible dela eta erabaki horrek herri horretan bizi den jendea duintzen duela. Ostegunean, 2026ko uztailaren 23an, Leioako udalbatzak antzeko erabakia har zezakeen, eta San Bartolomeko astoekin egindako harrizko arraste probetan (700 kg) animaliei tratu txarrak emateari amaiera eman. Erabakia zinegotzi batzuen esku zegoen, eta gure garaiarekin bat datorren ikuspegia eta sentsibilitatea izan beharko zuketen. Ebidentzia zientifikoa dagoelako, eta ehunka albaitarik baieztatu dute animalien sufrimendua dagoela asto probetan. Animalien sufrimendurik gabeko herri kirolen beste modalitate asko daudelako. Milaka leioaztar animalien tratu txarrak desagertzearen alde daudelako.
Stop asto probak! Leioa, animalien aurkako tratu txarrik gabeko hiria! Akordio bikaina izango zen Leioako 500. urteurrena ospatzeko.
