Errenta aitorpena euskaraz

Administrazioan euskararenerabileran aitzindaria izan den leloa Errenta aitorpena euskarazgero eta urrutiago dago haren helburutik Bizkaiko lurraldean emaitzei erreparatuz gero. Urtez urte,murritzagoak izaten baitira datuak, gero eta euskaldunagoa (Bizkaian % 25 euskaldun) den gizartean; inbidiaz ikusten dugu Gipuzkoako hainbat udalek errenta aitorpena euskaraz abiatutako kanpainak, eta haiei esker lortutako emaitzak (2014ko errentak) Beasainen %16,60, Ordizian% 17, Lazkaon %25... Debagoienean aurten «7.000 baietz» daukate erronka (65.000 biztanle gutxi gorabehera).

Barriro-tik (euskararen aldeko taldea Bizkaiko Aldundian) ikusten dugu motibazioa landuz gero emaitzak lortzen direla, eta hori da faltan daukaguna; erabileraren aldeko kanpainak gure administrazioan, kanpoan zein barruan. Horri buruzikus dezagun zer esaten den Eta hemendik aurrera zer? Euskara 21 taldeak burutu berri duen txostenean: «Herritarren hizkuntzarekiko atxikimendua elikatu egin behar da, eta euskararen aldeko sentiberatze lana etengabe egin...» eta «erabilerara jauzi egitea da erronka; bihotzetik ezpainetara gehiagotan eta gehiagok eramatea nahi dugu». Hala bedi! Erabilerak euskalduntzen gaitu.