Euskal kirolariok, geure koloreekin

Irailaren 17tik 24ra bitartean egingo dira Kirol Anitzeko 2022ko Europako Triatloi Txapelketak Bilbon. Euskal kirolariok uniforme rojigualdo espainiarra edo trikolore frantsesa janztera behartuak gaude, bestela deskalifikatu egingo gaituzte. Gutako askori iraingarria eta umiliagarria iruditzen zaigu hori. Euskal Herriko kirolariok geure selekzioarekin eta janzkera propioarekin parte hartu beharko genukeela pentsatzen dugu. Nolanahi ere, besterik ezean, bakoitzak bere klubeko jantziarekin edo nahi duenarekin parte hartu ahal izatea bermatu behar da. Eta lortuko dugu denon artean! Aldarrikapen honekin ados bazaude, sinatu, mesedez.

Gonbidatua zaude irailaren 15ean, goizeko hamaiketan Bilboko Itsas Museoaren plazan egingo den prentsaurrekora.