Alberto Martinezek 2024ko ekainaren 22an hartu zuen EAEko osasun kontseilari kargua. Euskarari buruzko bere deklarazioetan (espainieraz noski, euskaraz ez zekielako) esan zuen egunean euskarazko hitz bat ikasten ari zela.
Pasatu dira gutxi gorabehera 500 egun. Uste dut iritsi dela hala den edo ez jakiteko ordua.
Hala bada, legealdia bukatzean 1.500 hitz jakingo ditu, eta, hitzok elkarrekin lotzen ikasten badu, euskaldun berri bat irabazia geneukake.
Hala ez bada, ulertu beharko dugu, edo ez dela uste bezain bizkorra, edo ez duela inolako arretarik ipini ikasteko, emandako hitza janez.
Azterketa publiko partziala eskatzen dut, kargu publikoek aldarrikatzen duten gardentasunaren izenean.
