Noizko elikagaientzat marka bateratuak Nafarroan, Iparraldean eta EAEn?

Estatuek Europan sortutako ezerk ez du lagunduko eta babesik emango Euskal Herriko sagardoa, Euskal Herriko Okela... bateratu bat Iparraldean, Nafarroan eta Euskal Autonomia Erkidegoan errealitate bat izateko helburuan.

Ondorioz, agian, beste bide batzuk hartu beharko ditugu helburu horretara iristeko. Adibidez, Bizkaiko bildotsa, Errigora, Berrizko txuletoia, ardi mutur-beltza... halako marka komertzialek bultzatutako bideak dira soluzioa.

Marka komertzial bat sor-marka bat baina zorrotzagoa eta serioagoa izan daiteke, eta, gainera, elikagaiak balorez koloreztatzeko aukera emango liguke. Aldiz, betiko merkatuan aritzeko sortutako sor-markek inoiz ez dute prezio duinez, merkatu justu batez hitz egingo. Ez dute inoiz merkatuan aldaketarik exijituko.

Bisio berriak derrigorrezkoak izango dira Euskal Herri osoan elikagaien bidez naziotasuna aldarrikatu nahi badugu, eta, baita ere, elikagaien bidez 2030 testu inguruan beste ekonomia bat aldarrikatu eta eraiki nahi badugu.