Peña II.a 17-22 Zabala

Zabalak Peñari irabazi dio, eta finalaurrekoetan sartu da

Neurketa parekatua jokatu dute, baina errioxarrak 12-13tik 12-20ra egin duen tartean erabaki du lehia. Unai Laso txapelketatik kanpo geratu da.

Javier Zabala. IÑIGO URIZ / FOKU
Javier Zabala. IÑIGO URIZ / FOKU
Paulo Ostolaza.
2026ko urriaren 25a
20:45
Entzun 00:00:00 00:00:00

Lau eta Erdiko Txapelketako finalaurrekoetarako txartel batek badu jabea jada: Javier Zabala. Errioxako pilotariak 17-22 hartu du mendean Jon Ander Peña Logroñoko Adarraga pilotalekuan (Espainia). Multzoko bigarren postua datorren astean erabakiko da Peña II.aren eta Altuna III.aren arteko lehian; Laso, berriz, txapelketatik kanpo geratu da gaurko emaitzaren ondorioz.

Peñak eta Zabalak neurketa ikusgarria jokatu dute Logroñon. Lehen erdia oso parekatua izan da; Peña izan da nagusi hasieran, baina errematean fin aritu dira biak, eta batek emandako kolpeari azkar erantzuten zion besteak. Zabala presaz aritu da batzuetan, protestan ere bai, baina ez du kontzentrazioa galdu, eta lan erdietara parean heldu dira (11-11).

Orduan piztu da Errioxako pilotaria, publikoa alde zuela. Peña atzean jokatzera behartu du, eta ondo aukeratu ditu erremateak egiteko uneak; Peña, alderantziz: tantoa azkarregi amaitzen saiatu da behin baino gehiagotan, eta, azkenean, sei pilota galduta amaitu du partida.

Horrela, Zabalak tartea zabaldu du, eta 13-21 adierazi du markagailuak. Peñak orduantxe lortu du lau tanto erreskadan egitea, baina errioxarrak lortu du partida biribiltzea (17-22). Finalaurrekoetako aurkariaren zain da jada.

Kazetaritza etikoaren arabera sortua

Nola bermatzen dugun edukien kalitatea

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA