'Barrura begiratzeko leihoak' filmak 40.000 euro lortu ditu

Donostiako Udalak diru laguntza eman nahi zion Barrura begiratzeko leihoak filmari. Baina bost euskal presori buruzko dokumentala denez, Espainiako Gobernuak horren kontrako kanpaina bat abiarazi zuen. Zinez filmaren ekoiztetxeak, hortaz, diru laguntza publikoei, 31.000 eurori, uko egitea erabaki zuen, joan den ekainaren 28an. Jada martxan zegoen herritarren ekarpenaren bidezko finantzaketa sistema, eta, Zinez-ek atzo adierazi zuen ekarpen horiei esker 40.000 euro bildu dituztela; filmak aurrera jarrai dezan behar dutena, alegia. Eskerrak eman dizkiete herritarrei.