Iturralderen 'Perlak, kolpeak, musuak, traizioak' gaztelaniaz kaleratu dute

LITERATURA. Joxemari Iturralderen Perlak, kolpeak, musuak, traizioak nobela gaztelaniara itzulita kaleratu du Malpaso Bartzelonako argitaletxeak Golpes de gracia izenburuarekin. Iazko udaberrian eman zuen argitara liburua Pamielak, eta Paulino Uzkudun XX. mende hasierako boxeolari eta falangista ezagunaren eta Isidoro Gaztañagaren —hori ere boxeolaria, baina errepublikazalea— arteko harremana du abiapuntu. Benetako historiatik abiatuta, fikzioa landu du liburuan Iturraldek.