Josean Bengoetxearen elkarrizketa, gaur, 'Zurriolako Butaka'-n

Zurriolako Butaka Donostiako Zinemaldiaren inguruko telebista saioaren aurreneko emanaldia gaur izango da; besteak beste, Josean Bengoetxea aktorea elkarrizketatuko dute. Hamaika telebistak, BERRIAk eta Irutxuloko hitza-k elkarlanean egin saioa egunero ikusiko da, zuzenean, 11:00etan hasita, hamaika.eus, berria.eus, eta irutxulo.hitza.info guneetan —21:00etan eta 23:00etan ere emango dute Hamaika telebistan—.

Zinemaldian proiektatuko dituzten lau filmetan parte hartu du Bengoetxeak: Loreak-en, Lasa eta Zabala-n, Los tontos y los estúpidos-en eta Negociador-en. Beñat Beitia Dixie eta matxinada zonbia animazioaren zuzendariarekin ere solastuko da Inaxio Esnaola saioaren aurkezlea. Jose Luis Rebordinos Zinemaldiko zuzendariarekin grabatutako elkarrizketa bat emango dute, bai eta Denzel Washingtoni buruzko erreportaje bat, eta Dorothy Arznerri buruzko beste bat ere —atzera begirakoa eskainiko Aznerri—.