Jakintza haurtxoentzat

Irakurle txikienekin aritzen direnek badakite zein den euskal letren panorama: apenas dagoen bertako egileen obrarik, boladaka funtzionatzen du merkatuak (lehen, unetxoak ziren; orain, emozioak eta jakintza; gero?), eta zaila da marra beltz lodiko marrazki kolore-biziei izkin egitea.

Baina ez dadila inor izutu. Ustezko monotonia da hau. Betiko legez, mainstream-a gainditzekotan, saiatu egin behar da.

Katalin eta Txominen mundua, mainstream-a da. Baina ez da horregatik gaitzetsi behar. Alderantziz. Dituen onurak bilatu. Begiratu haurtxo irakurlearen zaletasunak. Aukeratu baliagarri zaizuna: unetxoak (Katalin erosketak egiten...), emozioak (Txominen sentimenduak...) edo jakintza (Txomin eta urtaroen liburu handia...); bada non aukeratu.

Eta beti bezala, baliatu haurraren eta liburuaren artean zaudela, liburuari nahi duzun norabidea emateko. Esaterako: ezaguna da Slegersen zaletasuna proposatzeko esperimentu errazak, proposatzeko ariketak desberdintasunak topatzen, proposatzeko irudiak bikoteka jartzen. Eta ezaguna duen genero ikuspegi atzerakoia. Baliatu.