Niña Coyote eta Chico Tornado saritu dituzte MIN sarietan, Palman

MUSIKA. Niña Coyote eta Chico Tornadok musika independentearen MIN sarietako euskarazko diskorik onenaren Etxepare Euskal Institutua saria jaso dute. Niña Coyote eta Chico Tornado vs Don Condor eta Ñora Alacrán (2022) lanagatik egin die aitortza epaimahaiak Ursula Strong eta Koldo Soret taldekideei; gitarretan oinarritutako rock-and-rollari cumbia gehitu diote lan horretan, eta taldearen bi alderdi musikalak azaleratu. Sari banaketa herenegun egin zuten, Palman (Balearrak, Herrialde Katalanak), eta han izan ziren Merina Gris, Olaia Inziarte, Vulk eta Zea Mays finalistak ere.