251,5 puntu eskuratuta, Peru Abarrategik irabazi du Laudioko Kasinoan jokatu den Arabako Bertsolari Txapelketako saioa, lehen faseko bigarrena. Horri esker, zuzenean sailkatu da Aramaion jokatuko den finalaurrekorako.
Gainontzeko bertsolarien artean, puntuazioaren hurrenkeran osatuko dira finalaurrekoak. Gaur, Ekaitz Samaniego izan da bigarren, 241 puntu lortuta; Andere Arriolabengoa izan da hirugarren, 236,5 puntu bilduta; Aitor Ugarte laugarren, 233 puntu eskuratuta; eta bosgarren eta seigarren Hegoi Amabizka eta Manu Bendala, bakoitzak 222,5 puntu lortuta.
Saioan hamahiruna bertso puntuagarri kantatu dituzte bertsolariek, eta Irati Martinez Izaga izan da gai jartzailea.
Hurrengo saioa otsailaren 21ean izango da Izarrako Kultur Etxean, arratsaldeko 17:30ean.
Ikusi gehiago
