Joan den urtarrilean aurkeztu zuten Oihu bat Palestinara, Palestinako erresistentziaren aldeko egun osoko jaialdia. Eta orduan eman zuten bertan parte hartuko duten musikarien zerrenda ere. Baina beste izen batzuk ere gehitu zaizkio orain. Hala, Ahmed&Nur, Ezezez, Kiliki, Maruxak, Merina Gris, Mursego, Naxker, Niza, Silitia eta Calie ere bertan izango dira, Anari, Belako, Bengo, Borla, Chuleria Joder, Dena, Eire, La Furia, Gailu, Hofe, Ibil Bedi, J Martina, Ke Lepo, Lukiek, Malakias, Odei, Olatz Salvador eta Mateo Zikuta taldeekin batera. Martxoaren 21ean izango da jaialdia, Durangoko Landako gunean (Bizkaia). Sarrera fisikoak salgai zeuden lehendik, eta gaurtik aurrera online erosteko aukera ere izango da.
Bertsolariak ere izango dira oholtzan; zehazki, Maialen Lujanbio, Amets Arzallus, Nerea Ibarzabal eta Txaber Altube. Bestalde, Antton Telleriak eta Asier K-k bakarrizketa bana egingo dute, eta Nondik Nora Abiatuk dantza saio bat egingo du.
