2021eko maiatzean abiarazi zuen bere bidea Zinemak Euskaraz herri mugimenduak. Aldarrikapenak eta eskeak argi, zinema aretoetan euskararen presentzia legez bermatzeko lege propio bat eskatzea izan zuten ekimena martxan jartzeko bokazioa, eta hori exijitzeko sinadura bilketa bat ere antolatu zuten, euskara «zinemetatik deserriratua» zegoela ikusita. Orain, bost urteren ondotik, bidea bukatzea erabaki dute egitasmoko kideek.Â
Egitasmoa sortzera eraman zituen hutsuneak bete gabe segitzen du, oraindik ere ez baita pantaila handian euskararen presentzia segurtatzeko legerik ondu. Batik bat horregatik, egitasmoa desegin arren lanean segituko dutela nabarmendu dute kideek. 2021eko maiatzean plazaratutako irudi berbera berriz ere argitaratuz jakinarazi dute asmo hori, izatez. Orduko hartan, zorrotz mintzatu ziren zinemetako egoeraz, eta salatu zuten «ezer gertatuko ez balitz bezala» ari zirela asko. Hori hala, zinemak euskalduntzeko bide horretan nahi bezainbeste aurrerapauso egin ez direla iradoki dute orain, argitalpen hori bera gogora ekarriaz.
đŸ“£ #ZinemakEuskaraz|ek bukatutzat ematen du bere bidea.
— Zinemak Euskaraz (@ZinemakE) February 24, 2026
đŸ’¢ Euskara herriko zinemetatik deserriratu zuten gauez. Baina euskaldunok esnatu eta gure etorkizuna irudikatzeko erabakia hartu dugu.
đŸ«‚ Mila esker! Lanean jarraituko dugu zinemetan euskararen presentzia legez bermatzeko. pic.twitter.com/f1yNqFwGii
Zinemaren lege propioa exijitzeko sinadura bilketa zabalik da oraindik, esteka honetan: labur.eus/zinemakeuskaraz. 6.000 sinaduratik gora dituzte bilduta.Â
Ikusi gehiago
