Shinzo Aberi agur esan diote herritarrek

Shinzo Abe Japoniako lehen ministro izandakoaren (2006-2007 eta 2012-2020) hileta egin zuten atzo Tokioko Zojoji tenplu budistan. Zeremonia intimo batean esan zioten agur gertukoek, baina tenpluraino hilotza zeraman autoaren ibilbidean milaka pertsona joan ziren errepide bazterretatik —goiko argazkian—. Abe joan den ostiralean hil zuen, tiroz, Japoniako armadako soldadu ohi batek, Nara hirian (Japonia), mitin batean hitz egiten ari zela. Poliziak aitortu du hutsak izan zirela segurtasun protokoloan.