BIRA

Mesfidantza

Miren Amuriza -

2018ko apirilak 22

Munduak zure kontra konspiratzea ez beste zereginik ez duela sinetsita jaikitzen zaren egunetan, hobe zenuke, bai, dutxa hotz bat hartu. Bezperako eguraldi iragarpenak huts egin duelako, bizilagunak siku samar agurtu zaituelako, semaforoa berde jarri eta segundo erdira bozina-joka hasi zaizulako atzeko gidaria, lankideek, okinak, usoek arraro begiratu zaituztelako... Auskalo zergatik egoten zaren hain mesfidati. Izaera kontua dela esaten dute batzuek, adinarena dela besteek... Edo, gehiagoko barik, gorputzaldiaren gora-beherakoa.

Ordea, usterik gutxienean, norbaitek txikikeriaren bat esan eta arnasa apur bat itzultzen dizu, kalean, oinez zoaztela, adibidez. Oinez zoazte bizilagunak, lankideek, usoek egin dizkizuten mintxoak zerrendatzen, bakardadea madarikatzen diharduzun bitartean, eta non botatzen dizun lagunak: «Begira, oraintxe ziplo eroriko bazina, eskaparate horren aurrean dagoen andrazkoa, berehala etorriko litzaizuke laguntzera; edo alderantziz, banku horretako mutilari zerbait gertatuko balitzaio, zeuk ere birritan pentsatu barik lagunduko zenioke, ez?». Humanitatearekiko konfiantza berreskuratu behar duzula esan izan balizu, haizea hartzera bidaliko zenuen baina, beharbada, arrazoia izango du, bai. Lagunari sinets zeniezaioke egun horietan, dutxa hotz bat hartu... Eta bestela, beti daukazu ohean geratzea, madarikazioka.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du oldarraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren akatsak berriz ere egin ez daitezen eta aurrera begira ikasteko

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta Galdakaoko tabernan uztailaren 27tik abuztuaren 4ra egon zirenek ere bai.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna