Noiz sortua: 2019-09-25 00:30:00

Protesta artean hasi du ikasturtea Kristau Eskolak

Patronalak esan du Arabako, Bizkaiko eta Gipuzkoako ikastetxe erlijiosoetako lan gatazka «lehenbailehen» konpontzen saiatuko dela
Sindikatuen protesta, atzo, Kristau Eskolaren ekitaldian.
Sindikatuen protesta, atzo, Kristau Eskolaren ekitaldian. ENDIKA PORTILLO / FOKU Tamaina handiagoan ikusi

Erredakzioa -

2019ko irailak 25
Amaitu bezala hasi du ikasturtea Kristau Eskola sareak: protesta artean. Kurtsoa abiatzeko ekitaldi ofiziala egin zuten atzo Gasteizen, Inmaculada Concepcion ikastetxean, Eusko Jaurlaritzako Hezkuntza sailburu Cristina Uriarte bertan zela, eta kanpoan sindikatuak elkarretaratze bat egiten ari zirela. Mikel Ormazabal Kristau Eskolako zuzendari nagusiak esker oneko hitzak izan zituen «hezitzaileen komunitatearentzat»; zentro erlijiosoetako lan gatazka «lehenbailehen» konpontzeko lan egingo dutela agindu zien, eta Uriarteri ere mintzatu zitzaion: «Jaurlaritzaren laguntza eta babesa behar dugu».

Aurreko ikasturte osoa gatazkan egin zuten sarean: greba egin zuten 24 egunetan. Negoziazioak blokeatuta daude: sindikatuak lan itun berria eskatzen ari dira, hamar urte baitaramatzate hitzarmenik gabe; Kristau Eskolak dio ez daukala baliabiderik langileen aldarrikapenei erantzuteko, eta Jaurlaritzari eskatu dio finantzaketa areagotzeko. ELA, LAB, Steilas eta CCOO sindikatuek esana dute mobilizatzen jarraituko dutela, eta greba mugagabearen hotsak entzuten hasi dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna