Noiz sortua: 2019-02-15 00:30:00

Ertzaintzan dagoen «hondamendia» salatu dute Ernek eta Esanek

Sindikatu horietako ordezkarien arabera, Ertzaintzan indarrean dagoen polizia ereduak «porrot» egin du. Mobilizazioak egingo dituzte aurki
Ertzainen mobilizazio bat, Eusko Legebiltzarraren aurrean, 2018ko martxoan.
Ertzainen mobilizazio bat, Eusko Legebiltzarraren aurrean, 2018ko martxoan. DAVID AGUILAR / EFE Tamaina handiagoan ikusi

Gotzon Hermosilla -

2019ko otsailak 15
Hondamendia. Kaosa. Porrota. Berba potoloak erabili dituzte Erne eta Esan sindikatuetako ordezkariek gaur egun Ertzaintzan dagoen egoera definitzeko. Haien esanetan, ertzainen ilusio eta motibazioa «inoizko mailarik apalenean» daude, asko dira gaixotasun agiria lortu eta lanera joateari uzten dioten ertzainak «estresak eta antsietateak» jota, eta horrek, haien aburuz, baditu erantzuleak: Eusko Jaurlaritzaren Segurtasun Saileko arduradun politikoak.

Erne sindikatuko Roberto Seijok eta Esaneko Unai Garabietak, Eneko Urkijok eta Enrique Hernandok azaldu dute zein den euren ustez Ertzaintzan gaur egun dagoen egoera. Esan dutenez, Ertzaintzaren arduradun politikoek eredu berria ezarri nahi izan dute, baina horrek «porrot» egin du, beste hainbat arrazoiren artean, giza baliabide nahikorik ez dutelako —egun 7.300 ertzain daude eta, sindikatuen arabera, 8.000 beharko lukete— , eta horrek hainbat ondorio utzi ditu: besteak beste, «prestakuntza falta, lan baldintza duinen gabezia, lan hitzarmen berri eta duinik eza eta krisi garaian galdutako eskubideak ez berreskuratzea».

Ertzaintzaren sindikatuen arabera, beste ondorio bat ere izan du eredu horren «porrotak»: herritarrak «gehien kezkatzen dituzten delituek» gora egin izana.

Sindikatuetako ordezkariek eman dituzten datuen arabera, 2017tik 2018ra Araban, Bizkaian eta Gipuzkoan %36 igo dira genero indarkeria delituak, %12 ohiko lapurretak, %57 etxeetan egindako lapurretak eta %37 iruzurrak. Gainera, ertzainek uste dute Eusko Jaurlaritza saiatzen ari dela datu horiek «ezkutatzen».

Itxaro aldia «amaitutzat»

Sindikatuetako ordezkariek esan dutenez, ertzainak «etsita» daude, herritarrengandik «urruntzen» ari direla eta Segurtasun Sailean «aldatzeko itxurarik» ez dagoela ikusita, eta, horregatik, «itxaro aldia amaitutzat» jotzea eta «aldarrikapenak kalera eramatea» erabaki dute.

Laster mobilizazioei ekingo diete, eta, esaterako, otsailaren 19an elkarretaratzea egingo dute Sestaoko (Bizkaia) ertzain etxearen aurrean, eta handik manifestazioa egingo dute Barakaldoko (Bizkaia) udaletxeraino. Bi herri horiek aukeratu dituzte, euren datuen arabera, Bizkaiko Ezkerraldean hazi delako gehien delitu kopurua. «Herri horietako alkateei esan nahi diegu beraiek ere presioa egin behar dutela», esan dute. Aurrerago, protesta beste herri batzuetara eramango dute.

Gainera, iragarri dute harremanetan jarriko direla UEFA eta beste kirol erakunde batzuekin, eta jakinaraziko diete zalantzak dituztela Ertzaintza «prestaturik» ote dagoen 2020ko Eurokopako futbol txapelketari eta antzeko beste kirol ekitaldiei behar besteko erantzuna emateko.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 402 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 402 pertsona hil dira Euskal Herrian; horietatik bi, Lapurdin

Irati Urdalleta Lete

Lapurdiko aurreneko bi hildakoen berri eman du Vicent Bru diputatuak, prefetarekin elkartu ondoren. Azkeneko 24 orduetan 52 pertsona hil dira guztira, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna