Albistea entzun

«Adostasuna» goratuta hartu du Urtaranek Eudeleko presidentetza

Udalen elkarteak 2019-2023 aldirako Batzorde Eragilea eratzeko bilkura egin du, Elgoibarren. Santano eta Alkorta izango dira presidenteordeak
Gorka Urtaran, Eudeleko presidente kargua hartu berritan.
Gorka Urtaran, Eudeleko presidente kargua hartu berritan. EUDEL Tamaina handiagoan ikusi

Jon O. Urain -

2019ko irailak 20

Gorka Urtaran Gasteizko alkateak Imanol Landa Getxoko (Bizkaia) alkate ohia ordezkatu du Eudeleko presidente karguan. Arabako, Bizkaiko eta Gipuzkoako udalak biltzen dituen elkarteak atzo egin zuen 2019-2023 legealdirako Batzorde Eragilea berritzeko Batzar Orokorra, Elgoi- barren (Gipuzkoa), eta bertan hartu zuen Urtaranek aginte makila, Landaren beraren eskutik. Esker hitzak izan zituen Urtaranek Landarentzat eta haren aurretik igarotakoentzat: «Geure erreferentea zarete eta, etorkizunari begira, inspirazio iturria».

245 udalerritako ordezkariak batu ziren Elgoibarren, elkartearen gobernu organoetako kide berriak hautatzeko, eta gehiengo kualifikatua eskuratu zuen Urtaranek, hautagaitza bateratua aurkeztu baitzuten EAJk, EH Bilduk eta PSE-EEk. 121 alkate dauzka EAJk hiru lurraldeetan, 83 EH Bilduk eta 11 PSE-EEk. Hala ere, eztabaida izan zen presidenteordeen izendapenean; hiru indar politikoek aurkeztutako zerrendan, Jose Antonio Santano Irungo alkatea (Gipuzkoa) zen lehen presidenteorde izateko hautagaia, eta Nagore Alkorta Azpeitiko alkatea (Gipuzkoa) bigarren presidenteordea. Alkortak protesta egin zuen bi presidenteordeak maila berean jarri ez dituztelako, eta, ordu erdiko etenaren ostean, erabaki zuten bi karguek «ez izatea ordena definituta». Eudeleko iturrien arabera, elkarteko estatutuetan ageri dira lehen eta bigarren presidenteorde karguak, baina alde horrek ez du ondorio praktikorik.

Urtaranek esan zuen Eudelen «etapa berri bat» hasi dela, «egindakoa berresteko». «Etapa berriari lehengo gogo berarekin ekin diogu, udalok Euskadin maila goreneko herri erakundeak garela eta euskal sistema instituzionalean hitza eta botoa dauzkagula erakusteko asmoz». Era berean, uste du Eudelek «adostasunezko estamentua izaten jarraitu» behar duela, «ideologiak alde batera utzita; elkarrekin lan egin dezagun gure udalerrien, gure jendearen eta gure auzokoen alde, batasunetik, elkarrizketatik, adostasunetik; sarean».

Zortzigarren presidentea

1982. urtean sortu zuten Eudel, eta, harrezkero, presidente izango den bigarren arabarra da Urtaran. «Gure aurretik egon direnen eskarmentu eta ibilbidearen ondarea» nabarmendu zuen, eta gogora ekarri «norbere udalerriaren alde udaletik lan egitea erabaki duten milaka herritarren ekarpena». Zortzigarren presidentea izango da, eta horietatik bakarra izan da emakumezkoa: Ibone Bengoetxea, 2011tik 2015era bitarteko legealdian Bilboko alkateorde izandakoa.

Agurreko mezuan, Landak azpimarratu zuen «lorpen garrantzitsuak» lortu dituztela azken lau urteetan: «Gogor jardun dugu, elkarlanean, eta xede izan dugu zimenduak sendotzea, zimendu horietatik jarraituko dugulako Eudelen etorkizuneko eraikina altxatzen. Gainera, erakundeak bere historia osoan izan duen Batzorde Eragile pluralenaren errealitatetik egin dugu».

Zazpi emakumek eta zortzi gizonek osatuko dute Batzorde Eragilea; hiru 2.500 biztanle baino gutxiagoko udalerrietakoak dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Urkullu, gaur, herritarren galderak erantzuten. ©Irekia

Urkulluk esan du «bateragarriak» direla pentsio minimoa hobetzea eta AHTa egitea

Edu Lartzanguren

Herritarrek eginiko hogei galderari erantzun dio Iñigo Urkullu lehendakariak, '#UrkulluTopaketa' egitasmoaren barruan.

ETArena izan zitekeen aspaldiko zulo bat aurkitu dute Ataunen

ETArena izan zitekeen aspaldiko zulo bat aurkitu dute Ataunen

Berria

Herritar batek aurkitu zuen Aitzarte edo Ataungo Domoan.

ERCko eledun Marta Vilalta. ©Toni Albir / EFE

ERC: aurrekonturik ez, ez bada ikus-entzunezkoetan %7,5 bermatzen hizkuntza gutxituentzat

Edu Lartzanguren

Esquerrak ohartarazpena bidali dio Espainiako Gobernuari, eta ostiralera arteko epea eman dio gaztelera ez diren hizkuntzentzako kuota ezartzeko Ikus-entzunezkoen Legean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.