Albistea entzun

Koronabirusa. EKONOMIA PENTSALDIAN

Pausoak ematen segituko dugu deskriminalizazioaren bide honetan?

Silvia Gambarte - Abokatu laboralista

2021eko apirilak 24

Senatuak indargabetu egin zuen, 2021eko apirilaren 14an, Zigor Kodeko 315.3 artikulua. Bazen garaia. Langileak ez dira kriminalizatuak izango greba eskubidea erabiltzeagatik, eta ez diete kartzela zigorrei aurre egin beharko pikete informatibo batean parte hartzeagatik.

Martxoan hasi zen bidea. Kongresuak ontzat jo zuen Zigor Kodeko 315.3 artikulua indargabetzeko Lege Organikoaren Proposamena; eskuinekoak kontra azaldu ziren, muturrekoak eta ez hain muturrekoak. PPk, Ciudadanosek, Voxek, UPNk eta Foro de Asturiasek aurkako botoa eman zuten. Coalicion Canaria, PRC eta EAJ abstenitu egin ziren, eta EAJk, gainera, proposamen bat egin zuen, non espetxe zigorrari eusten baitzion.

Sinbolikoa da greba eskubidea deskriminalizatzeko prozesua martxoan abiatu izana: Euskal Herriko langile klasearen aurkako atentaturik handienetako bat egin zen hilabetean, hain justu. Greban zeuden langile batzuen aurkakoa izan zen. 1976ko martxoaren 3an, Pedro Maria Martinez, Francisco Aznar, Romualdo Barroso, Jose Castillo eta Bienvenido Pereda zitalki erail zituzten, Gasteizko Frantzisko Asiskoaren parrokian, langileak biltzar bat egiten ari zirela. Greba batean parte hartzen ari zirelako kendu zieten bizia, Arabako eraikuntza sektorerako lan baldintza hobeak eskatzen ari zirela. Gasteizko sarraskiak gogor jo zituen langileak: aurrerantzean joak eta zapalduak ez izatea besterik ez zuten eskatzen, hain zuzen. Ez zuten inoiz inor kondenatu bost pertsona haiek hiltzeagatik.

45 urte pasatu diren honetan, greba oraindik ere bada langileek aldarrikapenak egiteko eta borrokatzeko duten tresna. Ia mende erdi igarota, martxoan, Euskal Herriko langileek orain ere eskubide hori erabiltzen dute beren lanpostuak salbatzeko eta lan eskubideak babesteko. Elkartasuna adore faltari gailentzen zaion greba horien lurrinak badirau oraindik Euskadin.

Auzitegi Konstituzionalak dioen bezala, greba eskubidearen parte ezinbestekoa dira pikete informatiboak, «gainerako langileak grebarekin bat egin dezaten konbentzitzeko, informazioa emateko, propaganda egiteko edo lanean segitzea erabaki dutenei asmoa aldarazteko funtzioa» dutenak. Horregatik, onartezina da inor espetxeratzea haietan parte hartzeagatik.

Batzuek II. Errepublikaren 90. urteurrena ospatu genuen egun berean, gure eskubideak defendatzen dituzten eta piketeetan parte hartzen duten langileek utzi egin zioten kriminalizatuak izateari.

Deskriminalizazioaren bide horretan pausoak ematen segituko dugu mozal legea bertan behera uztea lortu arte? Greba ez baita delitua, eta adierazpen askatasuna ere ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat maskararekin paseatzen, Donostian. ©GORKA RUBIO/FOKU

COVID-19arekin hildakoak eta positibo eman dutenak gutxituz doaz etengabe

Jone Arruabarrena

Astetik astera, nabarmen jaisten ari dira kopuruak; oraingoan, 31 hildako izan dira, eta 1.881 positibo.

Aragoiko kanala. ©Javier Cebollada / EFE

Hilik aurkitu dute atzotik desagertuta zegoen Ribaforadako bizilaguna

Berria

Zaragozako Novallas (Aragoi) herrian aurkitu dute 82 urteko gizonaren gorpua.

Tuterako Santanak, artxiboko argazkian. ©TUTERAKO UDALA

Hil egin da Tuterako entzierro batean larri zauritutako gizona

Berria

74 urte zituen, eta uztailaren 26ko entzierroan zauritu zen.

BU-520 errepideko 2. kilometroa, Burgos ©Google Maps

Hiru gazte hil dira asteburuan trafiko istripuz

Lide Egizala Urteaga

Barakaldoko 20 urteko bi gazte hil ziren larunbat gauean. Igandean, berriz, Astigarragako gazte bat hil zen Pirinioetan, moto istripu batean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...