Albistea entzun

Esparzak iragarri du Nafarroan berriz gobernatuko duela UPNk

Kontseilu Politikoko kideen %91ko babesarekin, aise irabazi dio lehia Juan Miguel Rubio beste hautagaiari, eta foru hauteskundeetan eskuinaren zerrendaburu izango da berriz ere
Javier Esparza izango da hirugarren aldiz eskuinaren lehendakarigai hurrengo foru bozetan.
Javier Esparza izango da hirugarren aldiz eskuinaren lehendakarigai hurrengo foru bozetan. BERRIA Tamaina handiagoan ikusi

Joxerra Senar -

2022ko urtarrilak 15 - Iruñea

Maria Txibitek kontrakorik ez dioen bitartean, hamasei hilabete geratzen dira foru hauteskundeetarako, baina UPNk indar betean eduki nahi du bozen makineria. Atzo arratsaldean Kontseilu Politikoak Javier Esparza alderdiko egungo presidentea aukeratu zuen eskuinaren hautagai izateko. Aise irabazi zion lehia beste hautagaiari, Juan Manuel Rubio Izarbeibarko udal taldeko buruari: kontseiluko ordezkarietatik %91k bozkatu zuten Esparzaren alde. Hirugarren aldiz aurkeztuko da lehendakarigai gisa Esparza, eta, aurrekoetan helburu nagusia lortu ez badu ere, atzoko hitzaldian zin egin zuen UPNk «Nafarroan berriz gobernatuko» duela. Haren irudiko, 2015ean egoera «oso zaila» zen; 2019an «emaitza ona» lortu zuten, eta 2023an lidergoa berreskuratzea dagokie.

Alderdiaren barne antolamenduan, kongresu arteko aldietan organo gorena da Kontseilu Politikoa. 232 ordezkarik osatzen dute. Atzokoan, zerrendaburua hautatzeaz gain, alderdiko zerrenda batzordeko kide bat ere izendatu zuen, %89ko babesez: Cristina Ibarrola parlamentaria. Batzorde hori Esparzak berak, Enrique Maia lehendakariorde eta Iruñeko alkateak eta zuzendaritzak hautatutako Maria Jesus Valdemoro parlamentariak osatzen dute.

Esparzak ez zuen argitu zer asmo duen Navarra Sumarekin. Iragan ekainean, koalizioa uzteko aukera irekirik utzi zuen, baina geroztik ez du argibide gehiago eman barne gogoetaz. Ezta atzo ere. Tonu leunagoan, bere hitzaldian keinu egin zion Foru Hobekuntzaren 40. urteurrenari, eta berrogei urteko UPNren ondare politikoa defendatu zuen. «Nafarroa ezin da ulertu UPN gabe», aldarrikatu zuen.

Haren ustez, bi legealdiotan Uxue Barkosen eta Txibiteren gobernuek uko egin diote ondare horri, eta orain Nafarroa «gainbeheran» dago, «beti Bilduren menpe diren gobernuek bultzatutako eraginkortasunik gabeko politika kaskarren ondorioz». Haren ustez, gobernuek ez dute jakin foru erregimenaren potentzialtasuna baliatzen. «UPNren legealdietako politikei esker bizi ahal izan dira, baina hori agortu egiten da, eta Nafarroak ezin du gehiago». Aurrera egiteko, beharrezkotzat jo du Bilduren menpe egongo ez den gobernu bat: «Agintzeari eta politikak baldintzatzeari utziko dio soilik UPN gobernuan badago». Ilusioz hartu du erronka.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Laura Aznal eta Bakartxo Ruiz EH Bilduko parlamentariak. ©Jagoba Manterola / Foku

EH Bilduk «eskua luzatuta» dauka Nafarroako aurrekontuak negoziatzeko

Joxerra Senar

Laura Aznalek ohartarazi dio gobernuari «exijenteak» izango direla, eta galdegin dio egoeraren arabera ardura izatea.

Beatriz Artolazabal, Zaballako espetxean egindako ekitaldian, atzo. ©RAUL BOGAJO / FOKU

Araba, Bizkai eta Gipuzkoan presoen laurdenak hirugarren graduan daude

Iosu Alberdi

Eusko Jaurlaritzak graduz aldatutako 457 presoetatik 25 «ETArekin lotuta» kartzelatutakoak dira

Garikoitz Aspiazu Auzitegi Nazionalean deklaratzen, hilaren 13an. ©Fernando Villar, EFE

ETAren 2002ko atentatu batean parte hartzeaz absolbitu dute Garikoitz Aspiazu, froga faltagatik

Uxue Rey Gorraiz

2002an Bilbon izandako atentatu bat egin izana egotzita epaitu dute Espainiako Auzitegi Nazionalean; bonba-auto bat lehertu zen, eta hainbat zauritu eragin. Aspiazuk ukatu egin zuen atentatuan parte hartu zuela.

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuen lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...