Noiz sortua: 2020-04-08 00:30:00

Koronabirusa munduan

«Egonkorra» da Johnsonen osasun egoera

Erresuma Batuko Gobernuak adierazi du ez duela arnasgailurik behar izan. Raab Atzerri ministroak hartu du gobernuaren gidaritza
Boris Johnson, agerraldi batean, joan den martxoaren 20an.
Boris Johnson, agerraldi batean, joan den martxoaren 20an. JULIAN SIMMONDS / EFE Tamaina handiagoan ikusi

Gorka Berasategi Otamendi -

2020ko apirilak 8

Boris Johnson Erresuma Batuko lehen ministroa ZIU zainketa intentsiboetako unitate batean dago astelehenaz geroztik, COVID-19 gaitzak jota. Haren osasun egoera «egonkorra» dela jakinarazi zuen atzo Down Streetek. Johnsonen bozeramaileak azaldu zuen lehen ministroa gai dela bere kabuz arnasteko, eta medikuek ez diotela arnasgailurik jarri behar izan. Hori bai, ohiko oxigeno tratamendua ezarri zioten astelehenean. Gobernuak ukatu egin zuen Johnsonek pneumonia duenik, eta «aldarte onean» dagoela gaineratu zuen.

Erresuma Batuko lehen ministroak 55 urte ditu, eta positibo eman zuen joan den martxoaren 27an. Hamar eguneko berrogeialdia egin zuen etxean, baina ez zituen uxatu COVID-19aren sintomak. Sukar handia izan zuen egun horietan, eta ondoeza areagotu zitzaion astelehenean. Hala, Londres erdialdeko erietxe batera eraman zuten arratsaldean, eta ZIU batean ospitaleratu zuten.

Dominic Raab Atzerri ministroak hartu du gobernuaren gidaritza Johnson osatu bitartean, Erresuma Batuko Estatu idazkari nagusia ere badenez. Raabek zuzendu zuen atzo astearteetako ohiko gobernu bilera, eta datozen egunetan harena izango da gobernuaren norabidea ezartzeko ardura, koronabirusak eragindako krisi betean. Hala ere, Raabek mugatuta izango ditu zenbait eskumen, eta gobernuak zenbait erabakitan esku hartzeko gaitasuna izango du.

Hartu beharko dituen neurrien artean izango da konfinamenduarekin zer egin erabakitzea. Gobernuak datorren astean aztertuko ditu aukerak.

Johnsonek martxoaren 23an ezarri zuen konfinamendua, neurri zorrotzagoak ez ezartzeagatik jaso zituen kritikek eta birusaren hedatzeak behartuta. Hiru asteko konfinamenduaren ostean, neurria laxatu ala luzatu erabaki beharko du gobernuak. Johnsonek iragarri zuen kontrol neurriak malgutuko zituela «ebidentzia zientifikoek» hala baimenduz gero.

Azken asteetan, baina, okerrera egin du egoerak Erresuma Batuan. 55.200 koronabirus kasu baino gehiago atzeman dituzte, eta gaitzarekin hildakoak 6.100 baino gehiago dira. Atzo, 786 lagun zendu ziren koronabirusarekin. Eguneko hildako kopururik handiena herrialde horretan.

Atzotik, bakartuta dago Michael Gove kabinete ministroa ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste bi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste bi kasu atzeman dituzte Bizkaian PCR proben bidez, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna