Arantxa Altuna. Mikel Manzanoren ama

«Gure semea ez da itzuliko, baina, gutxienez, hau ez dakiola beste inori gerta»

Ion Orzaiz -

2020ko urtarrilak 18

Egoerari buelta eman ezinik dabiltza Mikel Manzano Altuna gaztearen gurasoak. Tragediaren ostean, baina, okerrenetik onena ateratzea erabaki dute, eta lanari ekin diote, erakundeei exijitzeko «behingoz» konpon dezatela N-121-A errepideko arazoa.

Gutun bat igorri diezue udalei. Zer galdegin diezue, zehazki?

Inork ez du gure semea bueltan ekarriko, hori argi dugu, baina, gutxienez, egoera honek balio dezala halako istripuak errepika ez daitezen. Gure semeari gertatu zaiona ez dakiola beste inori gerta, eta inork gehiagok ez dezala errepide horretan bizia galdu. Horregatik bidali diegu eskutitza Bortzirietako, Malerrekako eta errepide inguruan dauden gainerako udal guztiei, esateko lehenbailehen behar ditugula konponbideak.

Nafarroako Gobernuak esana du lanean ari direla errepidea zabaltzeko...

Bai, baina errepide horretatik egunero-egunero pasatzen da sekulako kamioi piloa, eta, trafiko astun hori dagoen bitartean, istripuak ekiditea ezinezkoa izanen da. Errepidea zabaltzea eta gisa horretako obrak egitea ongi dago, eta denborarekin eginen dira. Hori guztia egin aurretik, baina, badago neurri azkarrago bat, orain bertan martxan jar dezaketena.

Zer neurri da hori?

Iaz, Belateko tunelean obrak egin zituztenean, mugatu egin zuten trafiko astuna. Egun batzuetan, matrikula bakoitidun kamioiak igaro zitezkeen, eta besteetan, matrikula bikoitidunak. Bada, hori behar dugu orain ere.

Alde handia nabaritu zenuten?

Izugarrizkoa. Neurri hori indarrean egon zen hilabeteetan, ematen zuen trafikoa erdira murriztu zela.

Eta zer esan dizuete orain arte erakundeetako ordezkariek?

Udalek bilerak eta adierazpenak egin dituzte, hitz egin dute alderdi batekoek zein bestekoek... baina orain behar duguna ez da hori. Orain, berehalako konponbideak behar ditugu, neurri zehatzak; trafikoa arintzea, lehenik eta behin, baina, horrez gain, abiadura murriztea, radarrak paratzea eta puntu ilunak konpontzea. Izan ere, puntu arriskutsu asko daude errepide horretan: Sunbillan, Olaguen, Lesakan... Arantzara joaten garen bakoitzean, beldurra pasatzen dugu errepidean.

Zuen ustez, zergatik ez dituzte neurri horiek aplikatu?

Kamioien trafikoari esker, zergetan bakarrik milioiak eta milioiak jasotzen dituelako Nafarroako Gobernuak. Interes horiek alboratzeko eskatzen diegu guk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna