Albistea entzun

Pujana sexualki esplotatzea egotzi diete haren hilketagatik ikertutakoei

32 urteko emakumea zena legez kanpo atxiki izana ere leporatu die epaileak bi akusatuei.
Ertzaintzaren bilaketa lanak, Urola ibaian, Aizarnazabalen.
Ertzaintzaren bilaketa lanak, Urola ibaian, Aizarnazabalen. GORKA RUBIO / FOKU Tamaina handiagoan ikusi

Jon O. Urain -

2021eko urtarrilak 21

Azpeitiko 1. Instrukzio Epaitegiko epaileak beste bi delitu egotzi die Aintzane Pujana 32 urteko emakume donostiarra zenaren hilketaren harira akusatutako bi herritarrei; Pujana legez kanpo atxiki eta hura sexualki esplotatu izana. El Diario Vasco egunkariak argitaratu eta BERRIAk baieztatu ahal izan duenez, epaileak erabaki du akusazioak zabaltzea Ertzaintzak aurkeztutako frogak aztertu eta akusatuei deklarazioa hartu ondoren.

Bi atxilotuak bikote dira: 24 urte ditu gizonezkoak, eta 23 emakumezkoak; Errenteriakoak dira (Gipuzkoa). Ertzaintzak zabaldutako informazioaren arabera, Pujanarekin bizi ziren Aizarnazabalgo (Gipuzkoa) landetxeko apartamentu batean. Ikerketak azaleratu duenez, labankadaz hil zuten Pujana, urtarrilaren 2ko goizaldean izandako liskar gogor batean. Kasua aztertzen ari den ikerlari taldeak, berriz, uste du gorpua Urola ibaiaren alboan utzi ostean, frogez desegiteko Gipuzkoan zehar ibili zirela. Etxea ere goitik behera garbitu zuten, delituaren zantzuak ezabatzeko asmoz. Hilaren 12an atxilotu zituzten bi akusatuak, eta joan den ostiralean espetxeratu. Martuteneko kartzelan daude, behin-behinean.

Pujanaren gorpua urtarrilaren 4an agertu zen, Aizarnazabalgo Etxabe auzoan, ibaiaren ertzean. Biktimaren bikotekideak urtarrilaren 1ean jarri zuen haren desagerpenari buruzko salaketa, eta Ertzaintza biktimaren azken egunak eta orduak ikertzen aritu da orduz geroztik. 32 urte zituen biktimak, eta Donostiakoa zen.

Indarkeria matxistaren eraginez aurten hildako lehen emakumezkoa da Pujana. 2003az geroztik, berriz, 108 dira indarkeria matxistaren biktima Euskal Herrian. Iaz, bost izan ziren, eta orain arteko azkena Marian Ibarluzea izan zen. Arrasatekoa zen sortzez, baina Kanaria uharteetan bizi zen azkeneko hamar urteetan. Abenduaren 28az geroztik desagertuta zegoen, eta lagun batek salatu zuen, telefonoa hartzen ez ziolako. Etxean hilda aurkitu zuten. Ibarluzeak bikotekide zuen gizonak bere burua aurkeztu zuen komisarian, eta hilketa aitortu zuen.

Herenegun, Eneko Goia Donostiako alkateak Pujanaren hilketa gaitzetsi zuen udalaren izenean, eta elkartasuna adierazi zien senideei eta gertukoei: «Urtea modu oso tristean hasi genuen. Aizarnazabalen hilik agertu zen Aintzane Pujana donostiarra. Hasiera batean, harrituta geratu ginen, eta ikerketak berak zein bide izango zuen ez genekien. Atxiloketak egin diren arte. Ondoren, argi eta garbi ikusten da erailketa bortitz baten aurrean gaudela».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iñigo Urkullu Jaurlaritzako lehendakaria eta Gotzone Sagardui Osasun sailburua, Eusko Legebiltzarreko korridoreetan hizketan, azaroaren 19an. ©DAVID AGUILAR / EFE

Kargudun publikoen babesle

Jon O. Urain

Jaurlaritzaren Etika Publikoko Batzordeak emandako ebazpenetatik %4,4tan egin du kargudun publikoaren aurka. Taldeak ez du eperik Sagarduiren kontsultari erantzuteko
Euskal presoen alde urtarrilean Bilbon egindako protesta. ©OSCAR MATXIN / FOKU

Bi euskal preso hurbilduko dituzte, eta hiru Euskal Herriratu

Maddi Ane Txoperena Iribarren

Asier Karrera, Mikel San Argimiro eta Aitor Esnaola ekarriko dituzte Euskal Herrira. Gorka Martinez, El Duesora; Josu Ordoñez, Topasera
Euskal presoen aldeko protesta bat, urtarrilean, Gasteizen. ©Endika Portillo / FOKU

Hiru euskal preso Euskal Herriratuko dituzte, eta bi hurbildu

Maddi Ane Txoperena Iribarren

Asier Karrera Arenzana Zaballara ekarriko dute, eta Mikel San Argimiro Isasa eta Aitor Esnaola Dorronsoro, Martutenera. Gorka Martinez Ahedo Lamatik El Duesora mugituko dute, eta Josu Ordoñez, Puerto Ietik Topasera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna