Albistea entzun

Transferentzien lehen akordioa «izugarri» ontzat du Jaurlaritzak

AP-68-ko kudeaketaren eskumena jaso du Jaurlaritzak Transferentzien Batzorde Mistoan. Negoziazioak «bide onean» doazela diote
Transferentzien Batzorde Mistoko Eusko Jaurlaritzako ordezkariak, atzo.
Transferentzien Batzorde Mistoko Eusko Jaurlaritzako ordezkariak, atzo. BERRIA Tamaina handiagoan ikusi

Maider Galardi F. Agirre -

2019ko apirilak 17

Atzo egin zuten ofizial Espainiako Gobernuak eta Eusko Jaurlaritzak AP-68 autobideko Arabako eta Bizkaiko zatien kudeaketaren transferentziaren eskualdatzea, Eskumenen Batzorde Mistoan. Horrela, Jaurlaritzak bere egin du Euskal Autonomia Erkidegoko errepide sare osoaren kudeaketa. Josu Erkoreka Jaurlaritzako bozeramialearen esanetan, «izugarri positiboa» da akordioa, eta «autogobernuan aurrera» egiteko urrats «garrantzitsua» da. Astelehenean jarri ziren ados Madril eta Jaurlaritza, eta atzo egin zuten batzarra, bideokonferentziaz.

Azken asteetan arlo ekonomikoaren inguruko «negoziazio biziak» izan ostean, Espainiako Gobernuarekin adostu dute kupotik bi milioi euro gutxiago ordainduko dituela urtero Jaurlaritzak, errepide horien kudeaketari dagozkionak, alegia. Izan ere, Jaurlaritzak joan den ostegunean nabarmendu zuen «oinarrizko desadostasunak» zituztela Madrilekin, kontzertu ekonomikoaren inguruko akordioak zalantzan ipintzen zituelako Espainiako Gobernuaren balorazio ekonomikoak. Adostasuna lortuta, Espainiako autobideak finantzatzeko aurrekontuaren %6,24 kenduko diote urtero kupoari, Araba, Bizkai eta Gipuzkoako errepideen kudeaketarako.

1979an Gernikako Estatutuan onartutako eskumenen transferentziak eskualdatzeko egutegi bat adostu zuten Madrilek eta Jaurlaritzak urtarrilean, eta, AP-68-koa lotuta, 32 dira orain eskualdatu beharrekoak.

Lotzeko dauden eskumenak

Epe laburrean eskualdatu beharreko beste hiru eskuduntzen negoziazioarekin ere «baikor» dagoela nabarmendu du Erkorekak, nahiz eta aitortu duen urtarrilean adostutako egutegiarekin aurrera egiteko «zailtasunak» daudela. Batzorde Mistoa baliatu dute produktu farmazeutikoen legeen aplikazioaren, ohiko erretiroaren aurretiko laguntzaren eta eskola aseguruaren eskumenez ere aritzeko.

Erkorekaren esanetan, atzoko Batzorde Mistoak ahalbidetu zuen urratsak egitea Gernikako Estatutua «bere osotasunean betearazteko», eta «autogobernua legez aitortzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Foro Sozial Iraunkorreko koordinatzaile Agus Hernan, atzo, Zaballako espetxean. ©JAIZKI FONTANEDA / FOKU

Foro Sozialak azken bilera egin du EPPK-ko ordezkariekin

Gotzon Hermosilla

Honenbestez, bi aldeek bukatutzat eman dute 2017an irekitako elkarrizketa iraunkorreko etapa. Foro Sozialak esan duenez, EPPK-k ontzat jo du urte hauetako harremana

Gure Esku-ko Josu Etxaburu, atzo, Eusko Legebiltzarrean. ©JAIZKI FONTANEDA / FOKU

Gure Esku-k ekintzetara igarotzeko eskatu dio Eusko Legebiltzarrari

Iosu Alberdi

Elkarteak talde parlamentarioei exijitu die eztabaida «garden eta ireki» bat hasteko, erabakitzeko eskubidea arautzea helburutzat hartuta
Armak erabilerarik gabe uzteko saioan parte hartu zutenak, Luhusoko Errekarte baserrian, 2018ko abenduan. ©/ Bob Edme

Luhusoko auziko instrukzio aldia amaitutzat jo dute

Jon O. Urain

Fiskalak hilabeteko epea du orain auziari buruzko eskaera aurkezteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...