Noiz sortua: 2020-02-26 00:30:00

Eusko Legebiltzarrerako hauteskundeak. Krisia PPn

Alonso ahaztuta, botoa Iturgaizen inguruan biltzera deitu du PPk

Amaia Fernandezek dio lehendakarigaiak alderdikideen «leialtasuna» izango duela. «Zentralismoa nagusitu da», salatu du Canok
Amaia Fernandez, Alonsok dimisioaren berri emateko agerraldian.
Amaia Fernandez, Alonsok dimisioaren berri emateko agerraldian. D/AGUILAR / EFE Tamaina handiagoan ikusi

Jon O. Urain -

2020ko otsailak 26
Alfonso Alonsok PPren Euskal Autonomia Erkidegoko presidente karguan dimisioa eman eta biharamunera, alderdiaren egoeraz, norabideaz, Jaurlaritzarako lehendakarigaiaz eta PPren Madrilgo zuzendaritzak Alonsorekiko eta EAEko alderdikideekiko izandako jarreraz gogoeta egiteko eguna izan zen atzokoa. Hala ere, mezu bat nagusitu zen: Carlos Iturgaiz PPk aurkeztuko duen lehendakarigaia babesteko tenorea da.

Hala esan zuen, esaterako, Amaia Fernandez PPren EAEko idazkari nagusi eta, behin-behinean, presidenteak. Espainiako telebista publikoan eginiko elkarrizketa batean, esan zuen Iturgaizek Arabako, Bizkaiko eta Gipuzkoako alderdikideen «leialtasuna, maitasuna eta babesa» izango duela, eta alderdiak «ilusioz» bizi duela Ciudadanosekin eginiko koalizioa, «konstituzionalismoa babesten dutenen proiektu transbertsala» osatuko dutelako.

Gisa berean hitz egin zuen Raquel Gonzalez PPren Bizkaiko presidenteak. Zabaldu denez, Gonzalez izan da azken asteetan Alonsori kontra egin diotenetako bat, eta, atzo, dei egin zuen botoa Iturgaizen inguruan biltzera, «parlamentura iristeko eta nazionalismoari aurre egiteko alternatiba bakarra» delako: «Garrantzitsua da behingoagatik jakitea batuta egon behar dugula». Hain justu, Pablo Casado PPko presidentearen esanetan, PPk eta Ciudadanosek Eusko Legebiltzarrerako hauteskundeetarako eginiko aliantza «pauso garrantzitsua» da formula hori beste lurralde batzuetara eramateko.

«Hanka sartu du»

Dimisioa eman ondoren ere, Madrildik kritikak heldu zaizkio Alonsori; «hanka sartu zuen gauza batzuetan eta hanka sartu du orain, alde eginda», esan zuen Cayetana Alvarez de Toledo PPren Espainiako Kongresuko bozeramaileak. Hain zuzen, Alvarez de Toledori egin zizkion kritikak Juan Carlos Cano PPren Gipuzkoako batzarkideak, Alonso babestuta: «Hautagaiak inposatzen dizkigute, alderdian esku hartzen dute eta euskal herritarrek euskal herritarrentzat eginiko proiektua deuseztatzen dute. Lurralde berezien Espainia PPren proiektutik ezabatu da. Cayetana eta zentralismoa nagusitu dira».

PPz harago, Ciudadanosekiko aliantzak, Iturgaizen izendapenak, Voxekiko jarrerak eta Alonsoren dimisioak zeresana eman die beste indar politiko batzuei ere. Josu Erkoreka Jaurlaritzako bozeramailearen esanetan, gobernuak «interesa» dauka ikusteko koalizioak zer proposatzen duen autogobernuaren eta kontzertu ekonomikoaren arloetan: «Pertsonen nortasunaz harago, ikusi beharko da zein den hauteskunde programaren edukia».

Bestalde, Idoia Mendia PSE-EEko idazkari nagusi eta Jaurlaritzarako lehendakarigaiak Iturgaizen jarrera arbuiatu du, argudiatuta euskal herritarren gehiengoak «ateak itxi» dizkiola eskuin muturrari, baina Iturgaizek ireki egin dizkiola: «Ez dirudi datozen urteetan PPk Euskadin politika egin nahiko duenik».

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta gaineratu duenez, ikerketak ez ditu “gizabanakoen mugimenduak atzemango”, baizik eta datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Jon O. Urain

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna