Albistea entzun

Behatokiak dio ertzainen lan deialdia hizkuntza eskubideen kalteko dela

Eskainiko diren 751 postuetatik 252tan ez dute ezarri hizkuntza eskakizunik. Behatokiaren ustez, irizpide horrek ez du bermatuko etorkizunean segurtasun indarrekin euskaraz komunikatzea
Bi ertzain, pandemia garaian, Donostian.
Bi ertzain, pandemia garaian, Donostian. JON URBE / FOKU Tamaina handiagoan ikusi

Lander Muñagorri Garmendia -

2021eko urtarrilak 15

Ertzain eta udaltzain izateko lan deialdi esanguratsuaren berri eman dute aste honetan Eusko Jaurlaritzak eta Eudelek. Denetara, 751 postu eskainiko dituzte, horietatik 700 ertzain izateko, eta gainerakoak, hemezortzi herritan udaltzain izateko. Bada, Agurne Gaubeka Hizkuntza Eskubideen Behatokiko zuzendariak azaldu duenez, «lan deialdi horietako hizkuntza eskakizunek etorkizuneko Ertzaintzaren eta udaltzaingoen hizkuntza gaitasuna baldintzatuko dute, eta, ondorioz, baita herritarren eskubideak ere». Hau da, Behatokiaren ustez, eskaintza publiko horietan ezarriko diren hizkuntza eskakizunen arabera jasoko dute herritarrek etorkizunean euskarazko tratua.

Legegintzaldi honetan egingo diren lan deialdiak, ordea, ez ditu nahikoa berme eskaintzen, Gaubekak adierazi duenez. Izan ere, Ertzaintzarako 700 lanpostuetatik 238k ez dute hizkuntza eskakizunaren derrigortasun datarik: euskararik jakin gabe sartu ahalko dira administrazio publikoan. Gainerako 462 postuetan, bestalde, B2 mailaren pareko hizkuntza eskakizuna ezarri du Jaurlaritzak da. Udaltzaingoari dagokionez, 51 lanpostuetatik hamalauk ez dute derrigortasun datarik. Behatokiak Gasteizko kasuan jarri du azpimarra: 11 postuetatik zazpik ez baitute hizkuntza betebeharrik.

Hizkuntza eskakizun horiek «muga dira euskaraz zerbitzua jaso nahi duten herritarrentzat», Gaubekaren iritziz. Izan ere, polizia denek euskaraz jakin ezean, nekez bermatu ahal izango da herritarren eta segurtasun indarren arteko euskarazko komunikazioa: «Derrigortasun data duten langileen kopurua ez da ezarri herritarren eskubideen eta zerbitzuaren kalitatearen bermeari begira, baizik eta euskaraz dakiten herritarren balizko kopuruaren arabera». Irizpide hori «onargaitza» dela esan du, «herritar guztien eskubideen bermatzailea izan beharko lukeelako».

Gogora ekarri du, bestalde, Jaurlaritzak berak ezarritako irizpideen arabera herritarren hizkuntza aukera beti errespetatu behar dela. Baina urterik urte Behatokiak herritarren kexa ugari jasotzen ditu Ertzaintzak zein udaltzaingo zerbitzuek ez dietelako bermatzen euskarazko zerbitzua. «Salaketa horiek erakusten dute hutsuneak hor jarraitzen duela».

2017an amaitutako Ertzaintzaren euskara planaren arabera, 7.407 ertzainez osatutako lantaldetik %51k ez daukate euskarazko gaitasunik egiaztatuta. Egun indarrean dagoen planaren arabera, bestalde, Ertzaintzak euskaraz lan egitea eta herritarren hizkuntza eskubideak bermatzea du helburu. «Aurrerapausoak egin badira ere, bistan da ez dela nahikoa», berretsi du Gaubekak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Berra zaharren egoitzako bi erabiltzaile solasean. ©GORKA RUBIO / FOKU

2020ko udatik izandako kasu kopururik apalena zenbatu dute Hegoaldean

Uxue Rey Gorraiz

Beste 79 kutsatu atzeman dituzte. Biztanleen %80k baino gehiagok dute dosiren bat, eta hasiak dira egoiliarrak hirugarren aldiz ziztatzen
Hendaiako (Lapurdi) atxikitze zentroa, artxiboko irudi batean. ©SYLVAIN SENCRISTO

Hendaiako atxikitze zentroa hustu dute, sute batengatik

Iñaki Agirre Perez

Bi lagun eraman dituzte ospitalera, bat egoera larrian. Cimadek sutearen kudeaketan izan diren arduragabekeriak salatu ditu
Ertzaintza Kukutzako teilatuan zeuden gazteak atxilotzen, 2011ko irailaren 21ean. ©Jon Hernaez / Foku

Hamarkada bat Kukutza III hustu zutenetik

Paulo Ostolaza

Ertzaintzak indarrez hustu zuen Bilboko gaztetxe handiena zena: 55 lagun atxilotu zituen, 63 auzipetu, eta ehundik gora zauritu.

Indarkeria matxistaren aurkako manifestazio bat, Gasteizen, artxiboko irudian ©jaizki fontaneda / foku

Gasteizen gizon bat atxilotu dute bikotekideari eraso egiteagatik

Irati Urdalleta Lete

Emakumeak zauriak zituen eskuan eta lepoan. 29 urteko beste gizon bat ere atxilotu dute Gasteizen, emakume bati ukituak egitea egotzita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna