Albistea entzun

2.000 irakasle ohik 100 milioiko ordaina eskatu diote Jaurlaritzari

Ohartarazi dute lan itunaren arabera diru bat zegokiela aurrez erretiratzeagatik, baina hori eten egin zuela Hezkuntza Sailak 2012an

Jon Rejado -

2019ko martxoak 8

Arabako, Bizkaiko eta Gipuzkoako eskola publikoetan aritutako 2.000 irakaslek eskaera kolektibo bat aurkeztu dute Eusko Jaurlaritzan. Erretiroa 65 urte baino lehen hartzeagatik dagokien kalte-ordaina eskatu dute: guztira, 80 eta 100 milioi euro direla azaldu dute. Gogoratu dute ordain hori lan itunean jasota dagoela, eta Hezkuntza Sailak 2012. urtetik aurrera eskubide hori eten zuela.

Araba, Bizkai eta Gipuzkoako irakasle erretiratuen elkarteak, Adostuz-ek, aurkeztu zuen atzo eskaera Hezkuntza Sailaren Bilboko ordezkaritzan. Taldeko kideek azaldu dute indarrean dagoen sare publikoko irakasleen lan hitzarmena 2010. urtean sinatu zutela. Han jaso zuten kalte-ordain bat ematea erretiroa 65 urte bete aurretik hartzen dutenei. Horren helburua zen irakasleen batez besteko adina gaztetzea.

Bi urte geroago, bertan behera utzi zuten puntu hori. Adostuz-ek azaldu du Patxi Lopezen gobernuak hartu zuela erabakia: argudiatu zuen Jaurlaritzak ezin zuela ordaindu, krisi ekonomikoa zela eta. Horren ondorioz, 3.000 irakasle inguru geratu ziren kalte-ordaina jaso gabe, Adostuz-en datuen arabera. Horietatik bi heren bildu dira eskaera egiteko.

«Aitzakiarik ez»

Eskaria aurkeztu duten irakasleek argudiatu dute egoera ekonomikoa aldatu egin dela 2012tik. Gogorarazi dute ogasunen diru bilketak gora egin duela. Hori dela eta, hausnartu dute ez dagoela «aitzakiarik» mozketa horri eusteko, eta ordainketak egitea galdegin diote Eusko Jaurlaritzari; ohartarazi dute lege iruzurra izango dela hori ez egitea.

Adostuz-ek jakinarazi du Eusko Legebiltzarrak legez besteko proposamena onartu zuela kalte-ordainak ordaintzeko. Oposizioko kideen botoekin onartu zuten eskaria. Ordea, Eusko Jaurlaritzak ez du oraingoz aintzat hartu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hendaiako atxikitze zentroa. / ©Bob Edme

Atxikitzeetako gehiegikeriak salatu dituzte

Iñaki Etxeleku, Ipar Euskal Herriko Hitza

CIMADE elkarteak Hendaiako atxikitze zentroko gehiegikeriak deitoratu ditu. Muturreko egoera gehiago direla dio.

Vicente Atxa, / ©Aritz Loiola, Foku

«Ekarpen berezi bat egin dugu euskal unibertsitate sisteman»

Jone Markuleta Etxegoien, Gipuzkoako Hitza

25 urte bete ditu aurten Mondragon Unibertsitateak. Sistema dualean «aitzindariak» izatea, enpresekin harremana izatea eta arlo berriak sortu izana nabarmendu ditu Atxa errektoreak.

Egunkarietako zuzendariak Pablo Gonzalezen eskubideen alde

Egunkarietako zuzendariak Pablo Gonzalezen eskubideen alde

Berria

Berria, Correo, Deia, Diario Vasco, Diario Noticias de Alava, Diario Noticias de Gipuzkoa, Diario Noticias de Navarra eta Gara egunkarietako zuzendarien agiri bateratua

Gazte bat iturri batean, udan izan diren bero boladetako batean, Berlinen. ©CLEMENS BILAN / EFE

KLIMA LARRIALDIAREN OSASUN LARRITASUNAK

Arantxa Iraola - Jone Arruabarrena

Klima aldaketaren ondoriozko arazoek zuzenean eragiten dute gizakien osasunean ere, eta, horregatik, gero eta premiazkoagoa izango da politikak eta proposamenak egitea ondorio horiei aurre egiteko eta aurrea hartzen ahalegintzeko; osasunaren ikuspegi zabal eta osoa behar da auziari neurria hartzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...