Berri Txarragoak ezkertiarrentzat hezkuntzan

Amets Bengoetxea - Irakaslea

2020ko urriak 17

Duela urtebete BTX ezkertiarrentzat hezkuntzan iritzi artikulua idatzi nuen; udazken horretan Berri Txarrak-ek bafleak itzali, eta ordundik dena okerrera joan da.

Ez naiz alderdi guztien programa politikoak irakurtzen dituzten horietakoa; ohikoa dudan moduan, ezker abertzalearentzat izaten da nire bozka. Oraingoan ere hala izan da, proposamenaren 202 orriak irakurri gabe. Hala ere, berriki hezkuntzari dagokion atala irakurri dut eta jendartean ezezaguna den EH Bilduren proposamen batek harrituta nauka. 2016an eskola publikoaren alde egitetik, 2020an publikotasun-partekatua terminoa babestera pasatu dira. Egiari zor, eskola publiko burujabea helburu izango lukeen trantsizio pauso bat litzateke. Baldintza batzuk betetzen dituzten ikastetxe pribatu batzuk publikotzat hartzea da ideia nagusia sare publiko, Hezigune, bateratu bat sortzeko. Doakoa, unibertsala, segregazio oro ekidingo dituena, euskarazko murgiltze eredua duena, feminista, euskal curriculuma ardatz izango duena.

Hobetu beharreko egiturazko arazo asko dauzkan sistema izanik ere, zer da egungo eskola publikoa EAEn? Baliabide material eta pertsonalak falta dira, utzikeria instituzionala eta burokrazia gehiegi dago, baina EH Bilduk proposatutako puntu guztiak betetzen ditu. Horregatik, laguntza eta babesa eman beharrean, publiko izaerari partekatu abizena jartzea harrigarria egiten zait.

Gaur egun administrazioaren titularitatea dutenak dira publiko bakarrak, eta bertan ikasteko eskubidea familia guztiei eskaintzen zaie, inolako bazterketarik egin gabe; baina ezkerreko alderdi batek sistema publiko guztia indartzeko/hobetzeko proposamenak egin beharrean, nahasmena sor dezaketen terminoak asmatzen ditu. Ez hori bakarrik, hezkuntza alorrean EH Bilduk bozgorailua jartzen dien batzuek «Herriarena dena publikoa da» bezalako adierazpenak erabiltzen dituzte publikotasuna birdefinitzeko, hori bai, hezkuntzarako soilik. Baina publikoa ez da herritar/komunitate batzuena bakarrik, herritar guztiena baizik. Eskola publikoan familia guztiek dute tokia, eta, arrazoi ezberdinengatik, itunpekoetan ez.

Zer pentsa eman behar liguke ezkerrekoa den alderdi politiko baten norabide aldaketa honek. Edonola ere, EH Bildu inperfektu hau herritarrok egiten dugu eta guk eraldatzeko aukera daukagu; egin dezagun, ba. Ikusi arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Debatea

Debatea

Kirmen Uribe

Trumpen eta Bidenen arteko lehiari begira jarri da Kirmen Uribe ere, aste honetako New Yorkeko munduak podcast-ean.

 ©Malen Amenabar Larrañaga / Txakur Gorria
Itziar-Ondarroa
Hamabostaldia Mexikon

Hamabostaldia Mexikon

Kirmen Uribe

Berezko dudan baikortasun, ezen ez xalotasun, honek traizionatu egiten nau batzuetan. Gaztetan maite nuen Emil Cioran-en ezkortasun beltza, baina orain, zer esango dizuet, nahiago dut Bertrand Russell-en inkonformismo bizizalea. Uste genuen abuztuaren bukaeran gauzak hobeto egongo zirela Covid-aren kontuarekin, Europa eta Estatu Batuen arteko mugak zabalduko zituztela eta ez genuela arazorik izango New Yorkera itzultzeko. Baina ez da izan horrela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna