andoni egana
HITZ ETZANAK

Haize errotak

2022ko urriaren 14a
00:00
Entzun
Ez dakit, eta askoz gehiago jakin arren ere ez dakit nekikeen. Informazio eskasiaz gain neure argitasun falta izango da. Gardentasuna aipatzen da, baina, eztabaidagai nagusi haizearen erabilpena izaki, ez dirudi beste munduko dohaina bere horretan.

Ez dakit Statkraft enpresa norvegiarrak Zestoa, Azpeitia eta Errezilgo lurretan kokatu nahi dituen haize erroten alde edo kontra nagoen. Ez dakit egunen batean botoa eman behar banu zeren aldekoa emango nukeen. Kasu honetan, gainera, ez du balio halako aurka dagoelako norbera alde jartze horrek, edo juxtu alderantziz egiteak. Horixe baino nahasiago dago kontua. Eta senak ere ez dizu erabakitzen lagunduko. Senak badaki paisajearen ederraz; badaki mendiak mendi izatea komeni dela; badaki ingurumena zaintzearen garrantziaz. Eta badaki energia mota batzuen garestitzearen berri; badaki energia burujabetza oinarrizkoa dela; badaki xahutuaren xahutuz lehengai batzuk bukatzera joko dutela. Ez da erabaki samurra.

Bat bazen gainerakoak baino kementsuagoa zirt edo zart egiteko orduan: Joxe Lizaso bertsolaria. Bere arimari ipini beharko zaio gaia. Han datza, Arauntzatik oso gertu, Txillarramendin. Galdera eginez gero, bizirik gauden askok baino lehenago erantzungo lizuke segur aski, oraindik ere.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.